味樂亭 미락정

韓國餐館0係澳門駐足日子都唔短, 
但似乎食0黎食去都係0個幾間, 
味道再好都會有d悶悶地....~
得知氹仔區又有一家新0既韓式餐館進駐~
於是即刻相約好友齊齊去試!

餐館位置並非"大街大巷",
所以能有呢個知名度, 
真係多得facebook的share~XD
餐館大門是開放式的, 
呢個時候, 
思鄉情緒又來了!
令我不禁想念起首爾弘大那條烤肉街.......

 

 

門口簡簡單單0既招牌, 
只刻有中韓文店名同埋電話~

 

店外店內0既簡約裝潢同擺設,

真係好有梨大, 弘大0既校園feel!

 

 

 

 店入面0既空間不大, 
坐滿都只有20多人, 
怪不得每到晚飯時段, 
一位難求~
可以坐到8 既大卡位~~

 

因為店舖比較開揚, 
所以就算食燒烤, 
相比其他同類食店, 
食完個身都唔會話好大浸味~

 

 

烤肉用0既板係不沾, 
所以D肉唔怕痴住哂, 
同埋油煙唔會太多~

 

因為我地有點烤肉, 
所以有上面中間0個隻小碟, 
係鹽同埋胡椒粉~

 

 

 

order之後,
先來0既韓式小菜6小碟!

左上角0個碟魚板我都覺得味道不錯~~

 

 

佢地0既泡菜幾好食, 
個人黎講, 覺得唔算好辣, 亦唔會太咸~

 

 烤豬頸肉

 

 

 

第一塊我試原味, 
味道不錯~~(應該要歸功於好友0既烤功!XD)
之後第二塊沾左鹽同胡椒,
個人覺得太咸, 
所以唔沾任何野都OK~

如果問我, 
我會覺得無乜特別...
呢個價錢有點小貴~~
(因為意識中, 豬頸肉唔係咩貴價食材)

唔點鹽同胡椒, 
可以點佢地0既烤肉醬~
個人覺得醬0既味道唔算特別~
所以點唔點都OK~

烤牛肋骨 
牛肉0既色水未算太吸引~

 

 

 

 

牛肋骨唔怕"un"
醃汁0既味道唔錯, 
牛肉帶少少甜味, 
不錯!
不過份量就覺得少左D!XD

 

 

吃烤肉, 
點可以唔飲韓國米酒(瑪格利막걸리)!!
佢地飲米酒0既"工具"
我覺得仲靚過韓國!

 

 

佢地0既瑪格利比我0係韓國飲到0既好飲太多太多!!!
(韓國賣瑪格利0既牌子太多, 可能唔識揀~)
可惜我唔記得影個樽相!!
呢隻米酒甜甜地, 一定要雪凍飲!
因為唔凍味道絕對會大打折扣!!!
呢度八婆下, 
講個韓國小習俗比大家知, 
就係韓國人飲酒, 一定唔可以自己酙比自己的, 
否則會衰3年架!XD
所以如果想添飲, 
就麻煩你請對面0個個幫幫你啦!XD

 

 

 炒粉絲

 

用左韓國最常見既冬粉去做, 
呢個炒粉絲好好味!!
洋蔥同埋牛肉都吸哂D湯汁, 
帶有少少甜味..
不錯!!

 

海鮮鍋
老板娘知道我地要影相
所以好細心咁幫我地執好D海鮮,
服務貼心
(不過遺憾地係小黑入左廠維修, 
老友L小姐慷慨借出小白比我影相, 
因為同小白未熟, 
所以今次好多相都out 左focus..
我對不起大家!!T__T)

 

 

呢個鍋份量唔細!
3個人食真係食唔哂!
而且海鮮勁多!
除左有你睇到大大隻八爪魚外,
仲有大大隻虎蝦,魷魚, 蟹...

 

 

 

 

 

當差不多0既時候, 
韓國侍應就會主動埋黎幫我地剪開隻大八爪魚~

 

 

湯頭味道幾鮮甜, 
各類海鮮都幾新鮮~
味道不錯~

 

 

開初飲第一碗0個陣只係覺得微辣...
但飲到第二碗時, 
後勁開始來了!
不過個人口味黎講, 辣度係可接受..HAHA~
食到底仍然仲有好多海鮮, 
最後, 我地係無辦法消滅得哂!

 

 

 

食後感:
餐廳環境舒服~
服務夠主動~
雖然店入面有烤肉, 
但D枱同埋餐具等等都唔會油淋淋~

食物味道整體ok, 
不過烤肉價錢稍貴,(不過澳門食韓式烤肉一向係貴)
食完之後, 
同行友人同我不約而同感到有dd口渴(估計有少許味精), 
但情況唔太嚴重..
屬可接受範圍~

店主見我影餐牌, 
就話唔係幾方便, 
佢解釋係因為由1月初開張到而家, 
餐牌會不停調整(包括價錢同埋菜式),
會保留較受歡迎0既菜式, 
而唔係太多人點0既佢地會更換, 
所以我post 0既價錢只以當天食的時候為準~

 

餐店提供0既韓式食物比同類餐廳算多選擇, 
個人覺得食厭左舊有的, 
可以一試~~~